PICA NA IMAXE PARA LER A INFORMACIÓN
AXUDAS PARA A ESCOLARIZACIÓN E COMEDOR DO CURSO 2025- 2026
Blog de Tercero y Cuarto
AXUDAS PARA O ALUMNADO CON NECESIDADES ESPECÍFICAS DE APOIO EDUCATIVO
AXUDAS PARA OS LIBROS DE TEXTO DO CURSO 2025 – 2026
M A I O S – 2025
Esta semana trouxemos novamente unha das tradicións máis fermosas da nosa cultura: os Maios. Alumnado, profesorado e familias colaboraron para encher de cor e natureza o noso centro e o barrio.
Con flores de cores, laranxas, fiúncho, tuia e moitos máis elementos naturais, creamos dous Maios moi especiais: un de estilo tradicional e outro inspirado no noso proxecto anual “A volta ao mundo”, co que seguimos explorando diferentes culturas e costumes.
Foi unha actividade cargada de ilusión, traballo en equipo e respecto polas nosas raíces. Grazas a todas as persoas que o fixeron posible!
DÍA INTERNACIONAL DO LIBRO
Esta mañá, os pequenos e grandes lectores do cole celebramos este día con dúas actividades moi especiais. Primeiro fixeron unha busca dun tesoiro distinta formada por letras, palabras e pezas de puzzle en distintos lugares do barrio de Canido. Despois, montaron os distintos quebracabezas cos elementos atopados e finalmente, pasaron un tempo tranquilo de lectura entre compañeiros e compañeiras promovendo a importancia dos libros para pensar, descubrir e imaxinar novos e antigos mundos.
DÍA DA EDUCACIÓN FÍSICA NA RÚA
O alumnado de Educación Primaria do noso colexio saíron ás rúas do barrio de Canido para desfrutar dunha xornada deportiva ao aire libre, chea de xogos, cooperación, saúde e diversión.
VISITA ÁS PISTAS DE ATLETISMO CON FERROL ATLETISMO
Celebramos o Día Mundial da actividade física partcipando nunha marabillosa xornada de atletismo co club Ferrol atletismo. Alí descubrimos as distintas disciplinas que se poden levar a cabo neste deporte: velocidade, relevo, salto de lonxitude …
Visita de 3ºEP ao SGHN
A mediados de xaneiro, o grupo de 3º EP visitou as instalacións do SGHN no barrio de Canido. Dita visita guiada estaba programada para complementar os contidos traballados sobre o reino animal na área de Ciencias da Natureza.
Da man de Berta, coñeceron como limparon, estudaron e trasladaron o esqueleto de balea que hai no museo, a historia sobre unha tartaruga caretta caretta, observar de preto as peles dunha serpe ou como pescudar o tipo de feces que podemos atopar nos bosques.
DÍA MUNDIAL DO SÍNDROME DE DOWN
(PICA NA IMAXE)
Visita do equipo Basketmi de BSR
O pasado mércores 19 de marzo, parte do equipo de xogadores de primeira división Basketmi Ferrol acudiron ao colexio para ensinarnos as diferenzas que hai con respecto ao baloncesto adaptado.
Alí presentaron como se forman os equipos dependendo da mobilidade dos xogadores, a procedencia das fichaxes dos xogadores que alí estiveron con nós e tamén houbo tempo para que os estudantes lles fixeran algunhas preguntas sobre este deporte e sobre cousas do día a día.
Finalmente, todo o alumnado tivo a oportunidade de moverse cunha cadeira de rodas mentres intentaban coller un pase, xirarse ou avanzar coa cadeira.
MOITÍSIMAS GRAZAS POLA VOSA VISITA!
E parabéns polo partido gañado este sábado. Sabemos que era moi importante para vós!
