Blog de Tercero y Cuarto
3 DE DECEMBRO, DÍA DA DISCAPACIDADE
Como colexio integrador que somos abrindo as nosas portas a todas as persoas, independentemente das súas capacidades, o venres 2 de decembro celebramos o día da discapacidade levando a cabo distintas actividades:
- Marta e o seu día a día como traballadora no centro
- Visita da Asociación de Persoas Xordas de Ferrolterra (ASF) acudiu a contarnos un contacontos Azul é peregrino.
- Visita de Álvaro Illobre e dous compañeiros máis que nos ensinaron a práctica do baloncesto desde a súa cadeira de rodas
Todas estas actividades serviron para acercarnos un pouco máis á sociedade na que vivimos.
Moitas grazas a todos!
25 de novembro, día contra a violencia
O pasado 25 de novembro conmemoramos o día contra a violencia de xénero. Dentro dos actos levados ao cabo no centro, falamos en cada aula da importancia do respecto, compromiso, empatía e amor por e para todas as persoas a través do conto Arturo e Clementina e posteriormente, fixemos unha cadea contra a violencia de xénero dixital no patio central do colexio.
A Historia da miña vida
Con esta primeira unidade adentrámonos na Historia e estudamos a liñá do tempo da Humanidade xunto coas súas manifestacións máis importantes. Tamén, quixen demostrarlles que todos formamos parte da historia doutras persoas, xa sexa entre os compañeiros da escola, na nosa familia, cos amigos do parque…polo que a historia da nosa vida é relevante!
Deixo aquí unha pequena mostra dos traballos tan ben feitos por todos!
Unha chea de familias – conto e chroma
Os integrantes do clube de lectura decidiron dar un paso máis e gravaron o conto utilizando un recurso moi habitual nas películas: o chroma.
Aquí está o resultado. A desfrutar!
DÍA MUNDIAL DA INFANCIA
Con motivo do Día Mundial da Infancia que se celebra cada 20 de novembro, os estudantes e profesorado do colexio quixemos celebrar esta data levando a cabo unha actividade dobre: a lectura da adaptación do título Unha chea de familias levada a cabo polo clube de lectura e posterior charla sobre as distintas familias da man de dúas nais da comunidade educativa.
En novembro, judo!
Desde as áreas de Educación física e psicomotricidade imos traballar distintos deportes. Esta semana tocou judo da man de Alberto Castro e Alba Martínez, ambos de A.D. Judo Ferrolterra.
UN VENRES TERRORÍFICAMENTE DIVERTIDO!
Con motivo da celebración do magosto e do samaín, o pasado venres 4 de novembro decidimos reunirnos para festexar estas datas comendo castañas asadas, cantando a canción do magosto e samaín e facendo, posteriormente, un tempo de xogos terroríficamente divertidos.
III Festival do Camiño Inglés e Xacobeo 2022-23
O alumnado de educación primaria visitou o porto de Curuxeiras con motivo da invitación ao III festival do camiño inglés e Xacobeo 2022-23.
Alí levamos a cabo distintas actividades relacionadas coa reciclaxe, os obxectivos do desenvolvemento sostible e ata houbo tempo para a degustación dun pedazo de tarta de Santiago.
MENINEANDO
O venres 23 de setembro todo o alumnado do colexio recibiu a visita de Eduardo Hermida, artista local e organizador do evento de arte urbano Meninas que se celebra de xeito anual desde hai máis de dez anos.
Grazas a Eduardo, os nenos e nenas puideron resolver dúbidas con respecto á creación das meninas: como pintaban a semellante altura ou quen pintou as meninas que hai no patio, entre outras.
Despois da súa intervención, cada curso dirixiuse a unha menina co fin de plasmala nunha folla e tamén aproveitaron para facer unha pequena ruta e descubrir outras meninas do barrio.
QUE GUSTO VER AO ALUMNADO DEBUXANDO E DESFRUTANDO NA ESTRADA!
Pica na imaxe
Pica na imaxe
