Tal e como viñemos facendo todos os anos, o alumnado do colexio visitou a residencia de maiores Mi Casa para cantar alí unhas panxoliñas aos asistentes e persoal.
Este ano quíxose sumar á festa os nenos/as máis as profesoras da escola infantil San Rosendo (Cativos).
Esperamos que desfrutaran tanto como nós!
pica na imaxe
Este ano os membros do clube de lectura quixeron repetir a experiencia de visitar as aulas para contar o seu conto de Nadal.
Os membros do clube de lectura traballamos o Día da discapacidade nunha das nosas sesións.
Limos o conto Pelo de nube que fala sobre o que nos fai únicos: a diferenza entre nós. Despois, fixemos unha achega sobre persoas coñecidas e famosas en distintos campos como a cultura e a ciencia (entre outros) e para rematar, vimos a curtametraxe The present, galardoado en moitas ocasións.
Ao inicio desta semana a Escola infantil Cativos San Rosendo invitou ao alumnado de 6º de educación primaria para axudarlles coa preparación da súa horta escolar.
Encantados/as quedamos ao ver como desfrutaron coa nosa visita!
MOITAS GRAZAS POLA INVITACIÓN!
Este venres 24 de novembro celebramos o día contra a violencia de xénero a través dunha actividade promulgada pola FANPA na que o alumnado aprendeu a realizar un xesto internacional para pedir auxilio ante a violencia de xénero.
pica na imaxe
Hoxe, 22 de novembro, celebramos o Día internacional da música no noso centro.
Grazas a Fausto e Susana, puidemos desfrutar escoitando varios anacos de pezas musicais das películas infantís Aladdin e Up máis un anaco de O son do Ar no tempo que tocaban o saxofón e o violín.
ENCANTOUNOS!
pica na imaxe
Nestes días quixemos celebrar o Día das bibliotecas. O noso centro conta con dito instrumento que apoia o noso proxecto educativo. Desde o claustro pensamos que é un lugar de lecer onde poder facer actividades relacionadas coa lectura. Este ano quixemos facer un recuncho especial adicado a O Principiño. E todos e todas deixamos a nosa pegada.
«FAI DA TÚA VIDA UN SOÑO E DO DO TEU SOÑO UNHA REALIDADE»
PICA NA IMAXE
O pasado 2 de novembro celebramos a festa do magosto e samaín cantando a canción, comendo castañas asadas e bebendo batido de chocolate.
Debido ao tempo dese día, non foi posible celebralo todos xuntos como facemos todos os anos pero pasámelo igualmente ben facendo o obradoiro de caretas e cantando a canción que aprendimos con Fausto.
PICA NA IMAXE
Onte tivemos unha visita especial no cole. Os nenos e nenas da escola infantil San Rosendo viñeron ata a nosa Biblioteca. O alumnado de 6° leulles o libro de «Corre, corre, cabaciña» de Eva Mejuto.
Pasamos un rato moi divertido!
O pasado luns 23 de outubro, todo o alumnado e profesorado realizamos a actividade cultural «Buscando as Meninas» a través de pistas entregadas nunha folla aos nenos/as de educación primaria e tamén a través das profesoras de educación infantil.
Descubrimos novas meninas, recoñecimos as meninas máis famosas e grandes e fixemos un percorrido polo barrio no que está o noso colexio.
PICA NA IMAXE