Esta mañá, os pequenos e grandes lectores do cole celebramos este día con dúas actividades moi especiais. Primeiro fixeron unha busca dun tesoiro distinta formada por letras, palabras e pezas de puzzle en distintos lugares do barrio de Canido. Despois, montaron os distintos quebracabezas cos elementos atopados e finalmente, pasaron un tempo tranquilo de lectura entre compañeiros e compañeiras promovendo a importancia dos libros para pensar, descubrir e imaxinar novos e antigos mundos.
