Tras as vacacións do Nadal, o alumnado de 5º e 6º de educación primaria recibiu a visita dun oficial de policía que traballa na UFAM (Unidade de Atención á Familia e á Muller) co fin de falar sobre a violencia de xénero dentro das charlas do seu programa educativo ofertado.
Explicounos a igualdade de xénero, os perfís de posibles víctimas e agresores, o ciclo do maltrato, así como resolveu as dúbidas que tiñamos anteriormente e que xurdiron durante a sesión.
O alumnado de 3º de educación primaria acudiu esta mañá á Sede de AFundación Ferrol ubicada na praza da Constitución para visitar a exposición Ferrol no tempo.
A través do título chamativo «Ímolo pasar pirata», os/as estudantes recibiron a misión de defender o certificado de Ferrol como cidade encontrando pesquisas e respondendo preguntas feitas pola guia.
Foi unha xornada do máis interesante descubrindo a ciencia e tecnoloxía, a cultura, a educación, a sociedade e a economía de Ferrol que rematou entrando no estaleiro pirata para botar o noso barco.
Desde a área de Educación física, o alumnado de 5º e 6º de educación primaria acudiu ás instalacións de A Malata para vivenciar algunhas das distintas probas de atletismo (carreiras, salto, lanzamentos…) por cortesía do clube Ría de Ferrol.
