Hoxe, os alumnos/as de 4º EP fixemos unha sesión moi especial: un obradoiro científico sobre os pasos no proceso dixestivo.
Trituramos as galletas e o plátano, mesturamos, usamos unha bolsa de autopeche como estómago, apretamos «os intestinos» e finalmente, obtimos as feces.
Houbo gritos, risas e algunha arcada durante o obradoiro pero penso (polos resultados escritos na ficha de traballo) que comprenderon perfectamente cada un dos procesos.
A semana pasada os alumnos/as de 5º de educación primaria fixemos unha práctica en ciencias da Natureza diseccionando unha flor para así ver as súas partes. Neste caso, foi un lilium que non ten, por certo, sépalos.
Esta sesión serviunos para repasar as partes da flor e tamén para velas de preto grazas a un microscopio e á lupa microscópica xa usada o curso académico anterior.
Hoxe foi un día con moito sentido pois o grupo de 6º de educación primaria levou a cabo unha práctica sobre os cinco sentidos na área de ciencias da Natureza.
A primeira hora da mañá, a profe Marta apareceu cun ramo de flores cun obxectivo: diseccionar os lilium para aprender as súas partes dun xeito práctico. Para dito traballo, utilizamos as nosas mans, a lupa microscópica e o microscopio para poder observar de preto o pole, os pétalos, o talo por dentro …
ENCANTOUNOS ESTA CLASE!
