Blog de Quinto y Sexto
Obradoiro científico: a respiración e a capilariedade das plantas
A semana pasada o alumnado de 5ºEP rematou a unidade sobre o reino das plantas enfocando a nosa atención nas tres funcións vitais na área de Ciencas da Natureza. Despois, participaron nun obradoiro no cal tiveron que fixarse na respiración dun fento e na capilariedade. Percatáronse de que as burbullas que apareceron na auga ao día seguinte, eran burbullas de aire expulsadas polas follas do fento e tamén puideron observar os vasos condutores do apio tinguidos de cor xunto con algunhas follas.
PICA NA IMAXE
DÍA INTERNACIONAL DA PAZ
O xoves 30 de xaneiro foi o Día internacional da paz. Por mor da chuvia, non puidemos celebrar todos xuntos esta conmemoración pero igualmente estivo festexado nas distintas aulas e na decoración preparada no colexio.
Cantamos a canción de Álvaro Soler «Bajo el mismo sol», aprendimos sobre persoas importantes que traballaron pola paz e ata quixemos engadir un punto divertido co reto dos grous entre todos: familias, nenos/as, claustro e persoal.
PICA NA IMAXE
Cultivando microorganismos
Desde a área de Ciencias da Natureza, o alumnado de 5º de educación primaria fixo un cultivo na súa casa durante uns quince días a partir dunha placa Petri e caldo de polo con xelatina.
Houbo hipóteses, traballo de campo anotando os cambios que sucederon co paso dos días e conclusións que foron escritas nunha folla que entregou a profe.
Deixo aquí unha pequena mostra co resultados obtidos aínda que houbo máis exemplos pero quedaron na casa.
Isto foi durante o 1º trimestre. Que farán no 2º trimestre?!
A parte básica de todos os seres vivos: a célula
Durante o primeiro trimestre o alumnado de 6º EP traballou na área de Ciencias da Natureza a parte básica de todos os seres vivos: a célula. Estudamos as súas partes principais, os tipos de cada unha e tamén a súa organización dependendo da función e obxectivo no ser vivo.
Os contidos foron presentados finalmente a partir dunha maqueta feita na casa que mostraron aos seus compañeiros/as.
Nova reunión do club de lectura
Esta tarde, os pequenos lectores reuníronse de novo para falar sobre as sorprendentes experiencias vividas polo protagonista do libro O rapaz do vestido de David Walliams.👗.
Non faltaron risas,😂 anécdotas e as caras de sorpresa cando Dennis atreveuse a poñer vestidos. Por fin comeza a conseguir os seus soños!🤪
Os rapaces non tardaron en debatir como se pode sentir unha persoa cando a miran por vestir dun xeito diferente.🤔
A continuación, organizamos un xogo sobre os capítulos leídos do libro. Fixemos dous equipos e cada un deles formulou preguntas que o equipo contrario tiña que adiviñar. Foi moi divertido!😊
XA ESTAMOS AGARDANDO A PRÓXIMA SESIÓN!
A fase da fecundación
Este venres o alumnado de 6ºEP entregaron unha tarefa escrita na cal tiñan que presentar as principais partes das células sexuais do ser humano, explicar onde se crean e o percorrido que fai unha delas ata chegar ao seu destino.
Usaron a súa imaxinación, coñecemento, esforzo e creatividade para mostrar estes traballos tan xeitosos!
Club de lectura coa avoa Gánster
O pasado xoves tivemos unha sesión moi especial no club de lectura: era o momento de rematar o libro de David Walliams e desfrutar dun rato agradable cunha merenda. A sorpresa veu cando catro ex alumnas do centro viñeron a ler o último capítulo con nós.
Fixemos un xogo de pistas relacionado co libro, contamos anécdotas e, por suposto, pasamos un rato moi entretenido!
Isto vai de castañas
O pasado mércores 13 todo o alumnado celebrou o magosto no patio do colexio aproveitando o bo tempo.
Os maiores foron os encargados de repartir as castañas e os batidos de chocolate despois de cantar a canción que Fausto creou para o día.
Houbo tempo tamén para o xogo libre, a música galega e primeiras ocasións comendo castañas.
MÁIS INFO NO PERFIL DE INSTAGRAM @cpr_sanrosendo
Crónica do club de lectura
Hai cinco días que o grupo de pequenos lectores mergullouse nunha historia chea de sorpresas:»A avoa gánster» de David Walliams. Dende o principio, as risas e as caras de sorpresa estiveron presentes. 🤯
Ben, o noso protagonista, non pode crer que a avoa que o obriga a comer repolo cocido e xogar ao Scrabble 🥬🧩 sexa, en realidade, unha lexendaria ladrona de xoias. ¡Si, unha gánster en toda regra! 💎💥
Os rapaces non tardaron en comentar emocionados como a relación entre Ben e a súa avoa cambiou cando el descubre o seu gran segredo. Ademais, durante a reunión, os lectores realizaron un mapa conceptual para analizar as características principais de cada personaxe, destacando a valentía da avoa, a curiosidade de Ben e as particularidades dos demais personaxes.
Para rematar, tiveron tempo para xogar a algúns xogos da biblioteca! 🎲📚 Foi unha xornada chea de diversión, lectura e aprendizaxe. ¡Xa estamos agardando a próxima reunión! 🎉
(Máis info en INSTAGRAM)