Concurso na Semana de educación viaria do Concello

Por En Educación Especial, Noticias, Quinto y Sexto No hay comentarios

Este xoves 16 de maio, os alumnos/as de 6º de educación primaria participaron no concurso de ideas organizado pola concellería de Seguridade e Mobilidade do Concello de Ferrol. Había uns requisitos: material reciclado, material cedido polo concello para a montaxe e moito interés por participar.

Despois de tres semanas traballando nos tempos de recreo e algunhas tardes, conseguiron unha representación ben xeitosa das súas ideas (axudadas pola súa titora María, Jorge, Andrea e Sergio) no pabillón de Esteiro logrando o premio á mellor representación.

PICA NA IMAXE                                                         

 

PARABÉNS NOVAMENTE POLO PREMIO MERECIDO POLO VOSO ESFORZO E TRABALLO EN EQUIPO!

Ligazón ás noticias:

FERROL360

DIARIO DE FERROL

 

 

 

Práctica sobre as propiedades da materia

Por En Quinto y Sexto No hay comentarios

Esta semana, a clase de 5º de Educación primaria levou a cabo dúas prácticas para traballar de xeito dinámico algunhas propiedades da materia: masa, volume e densidade.

Resultan ser bastante teóricos e incluso complicados, por iso, leváronse a clase distintos obxectos e alimentos para facer primeiramente as nosas hipóteses e logo comprobar se eran erróneas ou non.

DÍA DA EDUCACIÓN FÍSICA NA RÚA #DEFC2024

Por En Noticias, Primero y Segundo, Quinto y Sexto, Tercero y Cuarto No hay comentarios

Onte toda a etapa de Educación Primaria celebrou o Día da Educación Física na rúa xogando en distintos emprazamentos do barrio de Canido. Desfrutaron de cada un dos xogos separados por estacións seguindo as instrucións de Ana e outros/as profes que alí acudiron.

Moitas grazas ao COLEF Galicia por realizar esta actividade poñen, así, en relevancia o papel importante que xoga a Educación Física na sociedade e na saúde mental da man de todos e todas os/as profesionais implicados.

8M, día internacional da muller

Por En Educación Especial, Infantil, Noticias, Primero y Segundo, Quinto y Sexto, Tercero y Cuarto No hay comentarios

O pasado venres, o centro celebrou o día internacional da muller 8M despois de traballar a igualdade de xénero en pequenos debates a través de imaxes e vídeos que mostraban dita situación.

Por mor do tempo atmosférico non puidemos xuntarnos todos como adoitamos facer sempre que hai unha conmemoración. Porén, cantamos a canción «La puerta violeta» de Rozalén (algúns utilizaron tamén a lingua de signos), comentamos as imaxes e tamén deixamos os nosos lazos violetas na porta e nos peches que hai arredor do patio.

PICA NA IMAXE

 

O conto do Principiño cobrou vida

Por En Educación Especial, Infantil, Noticias, Primero y Segundo, Quinto y Sexto, Tercero y Cuarto No hay comentarios

Este ano, o conto do Principiño cobrou vida no colexio durante o entroido.

O noso alumnado representou as personaxes do libro coa elaboración dos disfraces, dentro do proxecto vertical que se está a levar a cabo ao longo deste curso. A través do mesmo, traballamos valores como a confianza e a disciplina, entre outros.

 

 

A muller na Ciencia

Por En Educación Especial, Primero y Segundo, Quinto y Sexto No hay comentarios

O pasado xoves tivemos a gran sorte de recibir a visita dunha Muller científica que nos ensinou o papel fundamental, aínda que descoñecido, das mulleres nos avances da ciencia. Tamén nos fixo reflexionar sobre valores como a igualdade de xénero, de oportunidades e de respecto. Estes valores foron amosados a través dun contacontos no que se mesturou a ciencia e a aprendizaxe.

PICA NA IMAXE