Hoxe foi un día con moito sentido pois o grupo de 6º de educación primaria levou a cabo unha práctica sobre os cinco sentidos na área de ciencias da Natureza.

O alumnado de 5º de educación primaria traballou o contido das enerxías antes da chegada do Nadal buscando información para responder unhas preguntas e rematando cunha exposición oral e un kahoot para comprobar que os seus compañeiros/as puxeron atención ás explicacións e as comprenderon.

En parellas traballaron sobre o concepto de enerxía, as fontes de enerxía, o aforro enerxético, a contaminación e os ODS (Obxectivos de Desenvolvemento Sostible).

Un tema que se repite ao longo da educación primaria na área de Ciencias Sociais é o contido relacionado coa economía e máis concretamente, cos sectores económicos. Por iso, os/as estudantes de 6º de educación primaria traballaron este contido a través dun traballo grupal mediante unha presentación oral posterior coa axuda dun arquivo feito en power point.

Queda moito por aprender e practicar pero penso que saiu moi ben!

O venres 15 de decembro, o alumnado de 5º e 6º de educación primaria foi invitados ao IV festival escolar do camiño inglés organizado polas Fanpa Ferrolterra «Concepción Arenal», financiado pola Xunta de Galicia e coa colaboración de Gadis e Alsa.

Acudimos ao porto de Curuxeiras onde desfrutamos dunha peza de teatro que destacaba os puntos fortes da nosa cidade e inicio do camiño: as Meninas de Canido, o Racing de Ferrol, as rondallas, o arroz con leite e a Semana santa. Posteriormente, fixemos a primeira milla do percorrido hacia Santiago de Compostela.

Desde a área de Lingua galega, os estudantes de 5º de educación primaria  fixeron varias  achegas  por  este  día  co fin  de valorar  a importancia  das  persoas  sen  ter  en conta  as  súas  capacidades  pois  todos  podemos  aprender  de  todos.