Sin categoría

Queridas familias proximamente teredes que elixir colexio para os vosos fillos/as. A elección do colexio no que os vosos fillos aprenderán a relacionarse, a xogar, a pensar, a comprender…, a SER FELICES é quizais unha das decisións máis importantes que teredes que tomar. A continuación abrímosvos a porta do noso cole para que poidades coñecelo.

Estimadas familias, do 1 ao 20 de marzo, comezo o prazo de presentación de solicitudes de admisión de alumnado para o próximo curso escolar 2023/2024. Clickeando sobre a imaxe poderedes consultar toda a información que regula devandito proceso.

Onte o estudantado de 5º e 6º de educación primaria visitaron a Fundación Caixa Galicia co fin de ver a obra de teatro en inglés What monster? organizada pola compañía On stage.

Participaron e desfrutaron a partes iguais.

Entroideando foi o título elixido para celebrar o carnaval no centro.

O venres 17 celebramos o inicio do entroido saíndo á rúa para ensinar os disfraces feitos nas aulas coa temática do carnaval galego e o seguinte venres rematamos preparando o enterro da sardiña na que alumnado, profesorado e persoal do centro encheron as aulas de xoaniñas, bufóns, vikingos, astronautas, sevillanas, mafiosos, …

QUE BEN O PASAMOS!

                              PICA NA IMAXE

                           PICA NA IMAXE

As xogadoras do Baxi Ferrol Irene Garí, Jenna Allen e Jessica Fequiere visitaron o colexio o pasado luns 6 de febreiro.

Primeiro foron recibidas polos estudantes de 5º e 6º de educación primaria en relación ao traballo de baloncesto feito na área de Educación física nas semanas previas. Aproveitaron a súa visita sorpresa para realizarlles preguntas sobre a súa estancia na cidade, o seu futuro neste deporte…

Despois desa rolda de prensa, as tres xogadoras fixeron uns xogos entre elas e posteriormente cos nenos/as dos distintos ciclos educativos para desfrutar dun tempo con elas e practicar o deporte.

MOITAS GRAZAS POLA VOSA VISITA, POLO BO TRATO E POLA INVITACIÓN AO DERBI GALEGO.

VÉMONOS NA MALATA!!!

                              Pica na imaxe

                              Pica na imaxe

O alumnado de 6º de educación primaria visitaron o I.E.S. Ferrol Vello o pasado 26 de xaneiro. Alí foron recibidos por algúns dos antigos/as alumnos do colexio que lles ensinaron a biblioteca, o laboratorio e a aula de educación artística, entre outras zonas.

Moitas grazas ao instituto por mostrarnos o centro deste xeito tan divertido e didáctico!

Onte os alumnos/as de 3º de educación primaria visitamos o museo de historia natural (SGHN) ubicado na praza de Canido. Alí puidemos demostrar os nosos coñecementos do reino animal, en concreto, dos distintos grupos de animais vertebrados e invertebrados.

Quedamos abraiados coa pel de serpe, o tamaño tan grande dunha vacaloura, as dentaduras dos tiburóns… coñecimos ao «kraken» do museo e aprendimos como lograron conservar e meter un esqueleto de balea (un dos máis grandes do noso país).