Sin categoría

Moito aprendimos sobre o noso continente europeo!

Despois de traballar a unidade, cada estudante escolleu un país de Europa e responderon unhas preguntas usando a súa imaxinación e creatividade.

Aquí unha pequena mostra dos seus traballos.

Os integrantes do clube de lectura decidiron dar un paso máis e gravaron o conto utilizando un recurso moi habitual nas películas: o chroma.

Aquí está o resultado. A desfrutar!

Dous dos nosos alumnos foron seleccionados polo xurado do Concurso de Dibujo Escolar «La Pesca» integrado na XII Semana de la Ciencia dentro del Año Internacional del Desarrollo.

Este sábado darán os nomes dos gañadores no Liceo Casino de Pontevedra. Desexámosvos moita sorte aínda que xa gañastes sendo seleccionados con outros participantes a nivel nacional.

Hoxe recibimos a visita de Sara que nos mostrou as distintas actividades que está a levar a cabo o concello de Ferrol para publicitar a cidade como patrimonio da Humanidade.

Con motivo do Día Mundial da Infancia que se celebra cada 20 de novembro, os estudantes e profesorado do colexio quixemos celebrar esta data levando a cabo unha actividade dobre: a lectura da adaptación do título Unha chea de familias levada a cabo polo clube de lectura e posterior charla sobre as distintas familias da man de dúas nais da comunidade educativa.

Hoxe púxose en marcha o clube de lectura do colexio, actividade que se celebrará dous xoves ao mes e onde traballaremos diferentes aspectos relacionados cos libros.

Desde as áreas de Educación física e psicomotricidade imos traballar distintos deportes. Esta semana tocou judo da man de Alberto Castro e Alba Martínez, ambos de A.D. Judo Ferrolterra.

Con motivo da celebración do magosto e do samaín, o pasado venres 4 de novembro decidimos reunirnos para festexar estas datas comendo castañas asadas, cantando a canción do magosto e samaín e facendo, posteriormente, un tempo de xogos terroríficamente divertidos.

A continuación tedes toda a información relacionada co proceso. Aqueles membros da comunidade educativa que desexen presentar a súa candidatura para formar parte do novo Consello Escolar deberán seguir as instruccións que figurarán nas distintas convocatorias que próximamente se farán públicas pola Xunta Electoral do Centro:

•  Publicación no DOG da Resolución do 19 de setembro de 2022

• Circular sorteo para a constitución da Xunta Electoral do Consello Escolar

• Designación dos integrantes da Xunta Electoral

• Acta constitución da Xunta Electoral do Consello Escolar.

• Circular Calendario Consello Escolar

• Formulario presentación candidaturas ao Consello Escolar

O alumnado de educación primaria visitou o porto de Curuxeiras con motivo da invitación ao III festival do camiño inglés e Xacobeo 2022-23.

Alí levamos a cabo distintas actividades relacionadas coa reciclaxe, os obxectivos do desenvolvemento sostible e ata houbo tempo para a degustación dun pedazo de tarta de Santiago.