Despois de traballar a clasificación dos animais, decidín que era importante saber que significa que os animais estean en perigo. Mediante unha elección previa de animais e un sorteo posterior, cada alumno/a de 5º de educación primaria investigou sobre varios exemplares que están en perigo en Galicia.
Os nenos e nenas de 4º de educación primaria traballaron o cambio climático e as ODS (Obxectivos de Desenvolvemento Sostible) tan presentes hoxe en día grazas a axenda 2030.
Descubriron que son os ODS e o obxectivo relacionado coa temática traballada na aula. Logo, puxeron cor ao logo ao mesmo tempo que responderon algunhas cuestións e, por último, pensaron nunha frase e debuxo para reclamar unha maior atención sobre este problema que hai no noso planeta.
Despois de coñecer as principais institucións da Unión Europea e de aprender a división territorial do noso continente, o alumnado de 6º de primaria investigou sobre un país europeo escollido por eles. Falaron, entre outros temas, sobre a súa bandeira, a localización e a súa gastronomía.
Os alumnos/as de 6º de educación primaria traballaron os roteiros grazas á información recollida previamente na oficina de turismo da cidade.
Os lugares mostrados virtualmente serán visitados posteriormente durante o curso.
O alumnado de 5º de educación primaria traballando os xénero literarios desde a biblioteca do centro.
O alumnado de 5º de educación primaria fixeron unha sinxela pero eficaz práctica na área de Ciencias da natureza para traballar os animais invertebrados. Fixeron uso da lupa microscópica, a ruleta dos invertebrados, observaron unha esponxa de mar…
SEGUIMOS APRENDENDO!
