Sin categoría

Celebramos o Día Mundial da actividade física partcipando nunha marabillosa xornada de atletismo co club Ferrol atletismo. Alí descubrimos as distintas disciplinas que se poden levar a cabo neste deporte: velocidade, relevo, salto de lonxitude …

A mediados de xaneiro, o grupo de 3º EP visitou as instalacións do SGHN no barrio de Canido. Dita visita guiada estaba programada para complementar os contidos traballados sobre o reino animal na área de Ciencias da Natureza.

Da man de Berta, coñeceron como limparon, estudaron e trasladaron o esqueleto de balea que hai no museo, a historia sobre unha tartaruga caretta caretta, observar de preto as peles dunha serpe ou como pescudar o tipo de feces que podemos atopar nos bosques.

O grupo de 6ºEP levou a cabo un obradoiro para fabricar plastilina condutora da electricidade desde a área de Ciencias da Natureza. Para iso, utilizaron materiais caseiros como auga, zume concentrado de limón, fariña e sal. Despois, engadiron os cables, a batería, a luce LED e …fíxose a luz!

Onte, 2 de abril, celebramos o Día Mundial do Autismo, unha data importante para concienciar sobre o Trastorno do Espectro Autista (TEA) e promover a inclusión das persoas con autismo en todos os ámbitos da sociedade, especialmente no entorno escolar.

Este ano, a páxina web sobre este día propuxo pensar na infinidade das necesidades, capacidades e intereses das persoas con autismo e, por iso, quixemos facer o xesto cos nosos corpos para representar #SomosInfinitos

(PICA NA IMAXE)

O pasado mércores 19 de marzo, parte do equipo de xogadores de primeira división Basketmi Ferrol acudiron ao colexio para ensinarnos as diferenzas que hai con respecto ao baloncesto adaptado.

Alí presentaron como se forman os equipos dependendo da mobilidade dos xogadores, a procedencia das fichaxes dos xogadores que alí estiveron con nós e tamén houbo tempo para que os estudantes lles fixeran algunhas preguntas sobre este deporte e sobre cousas do día a día.

Finalmente, todo o alumnado tivo a oportunidade de moverse cunha cadeira de rodas mentres intentaban coller un pase, xirarse ou avanzar coa cadeira.

MOITÍSIMAS GRAZAS POLA VOSA VISITA!

E parabéns polo partido gañado este sábado. Sabemos que era moi importante para vós!

Que ben o pasamos o martes 11 de marzo pois abrimos as portas do colexio para celebrar coas familias a II Feira científica deseñada polo profesorado membro de Polos creativos e a colaboración e traballo do alumnado.

Aproveitando o noso proxecto vertical relacionado coa volta ao mundo, quixemos pescudar sobre os avances relacionados coa Ciencia que houbo nos distintos países traballados en cada grupo aula. Así, descubrimos como funciona o London Eye a través do We-do, preparamos a masa para unhas baguettes e cruasáns, vimos as grandes e importantes construcións dos romanos, escribimos o noso nome en xeroglífico, puxemos a voar uns cohetes en leite (e fixemos varios lanzamentos duns cohetes no patio), escribimos con tinta china, convertémonos en reporteiros/as nos distintos países e tamén mostramos o merchandising que podemos crear coa máquina de chapas e de láser.

PICA NA IMAXE

Grazas ao traballo previo realizado a través do proxecto vertical «A volta ao mundo en 80 días» de alumnos/as, profesorado e persoal non docente, o venres saímos ás rúas da cidade para mostrar os nosos disfraces ás familias alí presentes e aos peóns que paseaban por Ferrol.

Tal e como dicía a canción que cantamos en distintos puntos, pudieron descubrir que había exipcios, franceses de alta cociña, hindúes, xente de New York e italianos, entre outros.

PICA NA IMAXE