Desde a área de Educación física, o alumnado de 5º e 6º de educación primaria acudiu ás instalacións de A Malata para vivenciar algunhas das distintas probas de atletismo (carreiras, salto, lanzamentos…) por cortesía do clube Ría de Ferrol.
Blog de Quinto y Sexto
Ferrol, cidade de ferro
Este venres o alumnado de 5º de primaria acudiu a unha visita obradoiro organizada por A Fundación cuxo obxectivo é reivindicar a cultura urbana como compoñente relevante da identidade galega en xeral e da área de Ferrol en particular, explorando a interacción existente entre o urbanismo, a sociedade e o territorio nunha cidade caracterizada por exemplificar un dos mellores casos de urbanismo ilustrado na península Ibérica, pola súa evolución no século XVIII.
Ferrol, patrimonio mundial en postal
Co obxectivo de seguir mostrando a nosa cidade aos escolares e promocionala como candidata a patrimonio da Humanidade, o concello convocou un concurso de postais para os/as escolares 4º, 5º e 6º de E.P. e concurso de tiktok para o estudantado da E.S.O.
Aquí debaixo queda unha mostra de todos os participantes do colexio e tamén o acto de entrega de premios onde Sofía (5ºE.P.) resultou gañadora no concurso de postais coa súa acuarela do porto da nosa cidade.
MOITAS GRAZAS A TODOS/AS POR PARTICIPAR!
3 DE DECEMBRO, DÍA DA DISCAPACIDADE
Como colexio integrador que somos abrindo as nosas portas a todas as persoas, independentemente das súas capacidades, o venres 2 de decembro celebramos o día da discapacidade levando a cabo distintas actividades:
- Marta e o seu día a día como traballadora no centro
- Visita da Asociación de Persoas Xordas de Ferrolterra (ASF) acudiu a contarnos un contacontos Azul é peregrino.
- Visita de Álvaro Illobre e dous compañeiros máis que nos ensinaron a práctica do baloncesto desde a súa cadeira de rodas
Todas estas actividades serviron para acercarnos un pouco máis á sociedade na que vivimos.
Moitas grazas a todos!
25 de novembro, día contra a violencia
O pasado 25 de novembro conmemoramos o día contra a violencia de xénero. Dentro dos actos levados ao cabo no centro, falamos en cada aula da importancia do respecto, compromiso, empatía e amor por e para todas as persoas a través do conto Arturo e Clementina e posteriormente, fixemos unha cadea contra a violencia de xénero dixital no patio central do colexio.
Europa, que grande é!
Moito aprendimos sobre o noso continente europeo!
Despois de traballar a unidade, cada estudante escolleu un país de Europa e responderon unhas preguntas usando a súa imaxinación e creatividade.
Aquí unha pequena mostra dos seus traballos.
Unha chea de familias – conto e chroma
Os integrantes do clube de lectura decidiron dar un paso máis e gravaron o conto utilizando un recurso moi habitual nas películas: o chroma.
Aquí está o resultado. A desfrutar!
Finalistas no concurso de debuxo «la Pesca» da semana da ciencia
Dous dos nosos alumnos foron seleccionados polo xurado do Concurso de Dibujo Escolar «La Pesca» integrado na XII Semana de la Ciencia dentro del Año Internacional del Desarrollo.
Este sábado darán os nomes dos gañadores no Liceo Casino de Pontevedra. Desexámosvos moita sorte aínda que xa gañastes sendo seleccionados con outros participantes a nivel nacional.
Ferrol, patrimonio mundial – charla divulgativa
Hoxe recibimos a visita de Sara que nos mostrou as distintas actividades que está a levar a cabo o concello de Ferrol para publicitar a cidade como patrimonio da Humanidade.
DÍA MUNDIAL DA INFANCIA
Con motivo do Día Mundial da Infancia que se celebra cada 20 de novembro, os estudantes e profesorado do colexio quixemos celebrar esta data levando a cabo unha actividade dobre: a lectura da adaptación do título Unha chea de familias levada a cabo polo clube de lectura e posterior charla sobre as distintas familias da man de dúas nais da comunidade educativa.
