O pasado 2 de novembro celebramos a festa do magosto e samaín cantando a canción, comendo castañas asadas e bebendo batido de chocolate.
Debido ao tempo dese día, non foi posible celebralo todos xuntos como facemos todos os anos pero pasámelo igualmente ben facendo o obradoiro de caretas e cantando a canción que aprendimos con Fausto.
PICA NA IMAXE
O pasado luns 23 de outubro, todo o alumnado e profesorado realizamos a actividade cultural «Buscando as Meninas» a través de pistas entregadas nunha folla aos nenos/as de educación primaria e tamén a través das profesoras de educación infantil.
Descubrimos novas meninas, recoñecimos as meninas máis famosas e grandes e fixemos un percorrido polo barrio no que está o noso colexio.
PICA NA IMAXE
O pasado 18 de maio celebramos o Día das letras galegas saíndo do centro en busca de lugares cómodos para ler.
Os nenos/as de 5º educación primaria foron os encargados de realizar a lectura As cousas de don Paco escrita polo escritor homenaxeado Francisco Fernández del Riego.
Todos escoitamos atentamente as anécdotas contadas polos seus obxectos máis utilizados na súa vida.
PICA NA IMAXE
Hai un tempo, Antón Cortizas veu ao noso centro a explicarnos o seu obxectivo: encher as rúas de nenos e nenas practicando xogos populares durante a celebración dos Maios de Canido. Nós aceptamos e os estudantes de educación infantil e o alumnado de 2º e 3º ciclo de educación primaria acudimos ás áreas designadas para xogar á goma, á comba, ao brilé, cos aros, ao zapatiño quieto é…
Nenos e profes quedamos encantados con esta actividade!
PICA NA IMAXE
Seguindo a tradición do barrio, o pasado xoves festexamos os Maios decorando as ventás do colexio, dous maios piramidais e outro máis grande con forma de barco.
Moitas grazas ás familias pola súa colaboración e aos nenos/as pola súa axuda!
PICA NA IMAXE
O 24 de abril celébrase o día do libro e aproveitando que este ano é o 80 aniversario do libro El principito, quixemos dedicarlle a xornada facendo unha lectura adaptada nas distintas etapas e ciclos educativos.
PICA NA IMAXE
Queridas familias proximamente teredes que elixir colexio para os vosos fillos/as. A elección do colexio no que os vosos fillos aprenderán a relacionarse, a xogar, a pensar, a comprender…, a SER FELICES é quizais unha das decisións máis importantes que teredes que tomar. A continuación abrímosvos a porta do noso cole para que poidades coñecelo.
Estimadas familias, do 1 ao 20 de marzo, comezo o prazo de presentación de solicitudes de admisión de alumnado para o próximo curso escolar 2023/2024. Clickeando sobre a imaxe poderedes consultar toda a información que regula devandito proceso.
Entroideando foi o título elixido para celebrar o carnaval no centro.
O venres 17 celebramos o inicio do entroido saíndo á rúa para ensinar os disfraces feitos nas aulas coa temática do carnaval galego e o seguinte venres rematamos preparando o enterro da sardiña na que alumnado, profesorado e persoal do centro encheron as aulas de xoaniñas, bufóns, vikingos, astronautas, sevillanas, mafiosos, …
QUE BEN O PASAMOS!
PICA NA IMAXE
PICA NA IMAXE
